Semana da Prensa

Co gallo da celebración da semana da prensa, o alumnado de 3º, 4º, 5º e 6º de Educación Primaria elaboraron un informativo sobre as novas do colexio e unha entrevista á nosa exdirectora. E é que estes nenos valen para todo!

Podedes ver o vídeo premendo no enlace que se amosa a continuación.

https://colexioamilagrosa.gal/gl/galeria/semana-da-prensa

Agardamos que vos guste!

Día Mundial da Poesía

Para celebrar o Día Mundial da Poesía, que ten lugar o 21 de marzo, convidámosvos a participar nunha actividade moi creativa! Tedes que escoller unha poesía que vos guste, e cambiar o final do poema ou engadir algúns versos a maiores.

Escribídea nun folio, cartolina, documento de word... e enviádea ao correo biblioteca@colexioamilagrosa.gal antes do día 1 de abril.

 

Se escaneades os códigos QR da imaxe, tedes unha escolma de poemas da editorial Kalandraka (aínda que non teñen que ser estes poemas os que empreguedes na actividade).

Todos os nenos e nenas participantes recibirán un diploma acreditativo.

Agardamos con ilusión os vosos traballos!

  

 

Semana da prensa

Os alumnos de 1º e 2º de Primaria, empregando recortes de prensa, inventaron as súas propias novas. Aquí podedes observar parte do seu traballo.

  

Semana da prensa

Ao longo da Semana da prensa, que tivo lugar do 8 ao 12 de marzo, o alumnado de Educación Infantil empregou os xornais para a elaboración destas auténticas obras de arte.

    

   

  

  

Día Internacional da Muller

Este ano, para conmemorar o 8 de marzo, Día Internacional da Muller, no noso centro quixemos renderlle homenaxe ás mulleres galegas, que coa súa labor manteñen os oficios artesanais: rodeiras, sancosmeiras, palilleiras, costureiras, leiteiras, mariscadoras, vendedoras...

Moitos nenos e nenas do noso centro participaron no 21º Concurso de pintura infantil da camelia, promovido polo Concello de Vedra.

O alumno Xoel Rivadulla Castro, de 6º de Educación Primaria recibiu o terceiro premio na Categoría C.

Os nosos parabéns!

Día de Rosalía

Co gaio da celebración do Día de Rosalía, todo o alumnado e as familias do centro, foron convidados a enviar unha gravación recitando uns versos dalgún poema da nosa benquerida Rosalía de Castro.

Como agradecemento, as persoas participantes recibiron un diploma de participación.

Día de Rosalía

 O 24 de Febreiro celebramos o Día de Rosalía!

Chegaron á biblio todos estes libros cheos de pictogramas.

No Recuncho de Ciencias da biblioteca, o alumnado puido observar distintos tipos celulares a través do microscopio.

Día Internacional da Muller e a Nena na Ciencia

Como ven sendo habitual, o 11 de febreiro celebramos o Día Internacional da Muller e a Nena na Ciencia.

Día Escolar da Non Violencia e da Paz

Para conmemorar o Día Escolar da Non Violencia e da Paz, na biblio fixemos unha escolma de biografías de distintos persoeiros que loitaron pola paz e polos dereitos humanos como Mahatma Gandi, Martin Luther King ou Rosa Parks.

Tamén seleccionamos algúns libros polo Día da Ilustración, como por exemplo Cándido e os demais, obra gañadora do XI Premio Internacional Compostela de álbum ilustrado. 

Como cada mes, o xornal O Papagaio chega á nosa biblioteca. Nel poderás atopar temas de ciencia, ecoloxía, arquitectura, banda deseñada, literatura... e todo en galego!

Chega o Nadal, e con el... unha morea de libros novos!

Día Internacional das Persoas con Discapacidade

Para conmemorar o Día Internacional das Persoas con Discapacidade, o alumnado de 5º e 6º de Educación Primaria elaborou unha exposición baixo o lema Todos somos diferentes.

Día Internacional contra a Violencia de Xénero

Este ano, polo Día Internacional contra a Violencia de Xénero [25 de novembro], chegounos ao cole Alén. Loita e acariña, un libro moi especial cunha fermosa dedicatoria da súa autora, Yolanda Neira.

Día das Escritoras

Dende o ano 2016 celébrase o Día das Escritoras, que ten lugar o luns máis próximo á festividade de Teresa de Xesús. Por iso, o 19 de outubro, a nosa biblioteca non quixo deixar de contribuír a esta conmemoración.

 A nova biblioteca vai collendo forma pouquiño a pouquiño...

Estamos no PLAMBE!

Este ano o noso centro entrou no Plan de Mellora de Bibliotecas Escolares
(PLAMBE).

Agora a nosa biblio ocupa un novo espazo dentro do cole!